اہل البیت (ع) نیوز ایجنسی ـ ابنا ـ کی رپورٹ کے مطابق 17 اور 18 جنوری کو یونان کے دارالحکومت "ایتھنز" میں "عفاف و اخلاق" (پاکدامنی اور اخلاقیات) کے عنوان سے ایک علمی اور تخصصی کانفرنس کا انعقاد کیا جارہا ہے جس میں آج کے معاشروں میں حجاب اور اخلاقیات کی بہتری کے طور طریقوں پر بحث و تمحیص ہوگی۔
عالمی اہل بیت (ع) اسمبلی کے یورپی و امریکی امور کے ڈائریکٹر جنرل "آقای عبدالرضا راشد" نے ابنا کے ساتھ بات چیت کرتے ہوئے کہا کہ حجاب اور عفاف ہمیشہ سے دو فطری مسائل کے عنوان سے تمام ادیان کے ہاں بہت زیادہ اہم مسائل رہے ہیں اور جو کچھ آج دنیا میں نظر آرہا ہے وہ آسمانی ادیان و مذاہب کے نزدیک ہرگز قابل قبول نہیں ہے۔
انھوں نے کہا کہ اس کانفرنس میں آج کی اسلامی اور غیر اسلامی دنیا میں حجاب و عفاف کو درپیش مسائل کا جائزہ لیا جائے گا اور کانفرنس کے شرکاء ـ جو مسلم اور غیر مسلم خاتون دانشوروں اور عالمات سمیت متعدد مرد دانشوروں اور علماء پر مشتمل ہیں ـ حجاب کی بہتری کے حوالے سے بحث و تمحیص میں حصہ لیں گے۔
انھوں نے کہا کہ یہ کانفرنس ایتھنز میں اسلامی جمہوریہ ایران کے ثقافتی مشاورتی مرکز، عالمی اہل بیت (ع) اسمبلی اور عالمی مجمع برائے تقریب مذاہب اسلامی کی مشترکہ کاوشوں کا نتیجہ ہے۔
..........
/110
